Rui Costa garaile Suitzako Itzuliko etapa nagusian

Rui Alberto Faria Da Costa Movistar taldeko txirrindulari portugaldarrak irabazi du Suitzako Itzuliko etapa nagusia. Guztira, 206 kilometro egin dituzte Meilen eta La Punt artean. Rui Costa esprintean gailendu zaio Bauke Mollema (Blanco) txirrindulariari eta sailkapen nagusiko bigarren postura igo da. Mathias Frank (BMC) liderra 13 segundora du.

Rui Costak, Van Garderenek eta Mollenak azken mendateko jaitsiera lasterketa buruan egin dute, Joseph Llyd Dombrowkiren erasoari aurre egin ostean.

Dombrowki eguneko ihesladian izan da eta zenbait momentutan lortutako aldeari esker, sailkapen nagusiko behin-behineko liderra ere izan da. Baina bere abenturak ez du amaiera onik izan.

Kategoria bereziko azken mendatearen jaitsieran, helmugatik 9 kilometrora, Rui Costa, Mollema eta Van Garderen ziren aurrean, eta garaipena hiru horien arteko lehia izango zela argi geratu da.

Portugaldarra izan da hiruretatik azkarrena eta gainera sailkapen nagusiko bigarren postura igo da, Mathias Frank liderrarengandik 13 segundora.

Etapa:

1 Rui Alberto COSTA Movistar Team 05:11:08
2 Bauke MOLLEMA Blanco Pro Cycling Team 00:00:00
3 Tejay VAN GARDEREN BMC Racing Team 00:00:00
4 Thibaut PINOT FDJ 00:00:09
5 Cameron MEYER Orica GreenEDGE 00:00:22
6 Daniel MARTIN Garmin-Sharp 00:00:22
7 Roman KREUZIGER Team Saxo -Tinkoff 00:00:22
8 Simon SPILAK Katusha Team 00:00:22
9 Mathias FRANK BMC Racing Team 00:00:22
10 Joseph Lloyd DOMBROWSKI Sky Procycling 00:00:22

Nagusia:

1 Mathias FRANK BMC Racing Team 25:42:36
2 Rui Alberto COSTA Movistar Team 00:00:13
3 Roman KREUZIGER Team Saxo -Tinkoff 00:00:23
4 Thibaut PINOT FDJ 00:00:44
5 Bauke MOLLEMA Blanco Pro Cycling Team 00:00:46
6 Tejay VAN GARDEREN BMC Racing Team 00:01:17
7 Daniel MARTIN Garmin-Sharp 00:01:23
8 Cameron MEYER Orica GreenEDGE 00:01:42
9 Tanel KANGERT Astana Pro Team 00:01:43
10 Simon SPILAK Katusha Team 00:01:50
11 Alexandr DYACHENKO Astana Pro Team 00:02:26
12 Igor ANTON HERNANDEZ Euskaltel - Euskadi 00:03:31