Poloniako Itzulia
Ion Izagirrek eta Intxaustik Majka inguratu dute Poloniako podiumean
Erredakzioa
Movistarreko euskal txirrindulariek ezin izan zuten Rafal Majkak (Tinkoff-Saxo) zuen aldea irauli Poloniako Itzuliaren azken erlojupekoan.
Majka, Izagirre eta Intxausti, podiumean / EFE.
Rafal Majkak (Tinkoff-Saxo) irabazi zuen Poloniako Itzulia, Ion Izagirrek eta Beñat Intxaustik (Movistar) inguratuta podiumean.
Poloniarra, bere herrialdean profeta, 18 segundoko aldea zuen Intxaustirekin, eta 22koa Izagirrerekin, eta aurretik mantendu zen sailkapenean. Tourreko bi etapen eta mendiko maillotaren ostean, poloniarrak arrakastak biltzen jarraitzen ditu.
Ion Izagirrek erlojupeko ona egin zuen, eta seigarren bukatu zuen. Majkak, aldiz, sailkapen orokorra ziurtatu zue, azken zati ona eginda.
Beñat Intxaustik egoera iraultzeko itxaropenarekin hasi zuen erlojupekoa, baina azkenea, Kristof Vandewalle (Trek) etapa irabazlea baino 43 segundo geroago helmugaratu zen.
SAILKAPEN OROKORRA