Egutegia
Beñat Intxausti Movistarreko talde-burua izango da Italiako Giroan
Erredakzioa
Jon Izagirre izango da bizkaitarraren taldekideetako bat Italiako lasterketan. Valverde eta Quintana, aldiz, Frantziako Tourrean eta Espainiako Itzulian izango dira.
Your browser doesn’t support HTML5 video
Beñat Intxausti Movistarreko talde-burua izango da 2015eko Italiako Giroan. Bizkaitarrak "talde sendoa" izango du lasterketan, Eusebio Unzue zuzendariak prentsaurrekoan iragarritakoaren arabera.
Alejandro Valverde eta Nairo Quintana, aldiz, Frantziako Tourreko eta Espainiako Itzulirako apustuak izango dira.
Movistarreko plangintzaren berri Unzuek berak eman du Gorraitzen egindako egonaldiaren amaieran. Egonaldi horretan 2015eko egutegia adostu dute.
Zuzendariak azaldu duenez, Valverdek eta Quintanak iazko egutegi bera egitea eztabaidatu dute (murtziarra Tourrera eta kolonbiarra Girora), baina Tourrean eta Frantzian "batera" joanez "indartsuagoak" direla uste dute. "Banatzeak ahulezia dakar", esan du Unzuek.