Suitzako Itzulia
Durasekek bigarren etapa eskuratu du, azken kilometroan erasoa jota
Mikel Dominguez | eitb.eus
Lampreko kroaziar gazteak faboritoen elkarren arteko zaintza aprobetxatu, eta ustekabea eman du lineako lehenengo etapan. Tom Dumoulinek (Giant-Alpecin) jarraitzen du lidergoan.
Your browser doesn’t support HTML5 video
Kristijan Durasek (Lampre-Merida) izan da azkarrena azken kilometroetara taldean heldu diren txirrindularien artean. Kroaziarrak bigarren etapa irabazi du, azken kilometroan erasoa jota, faboritoen elkarren arteko zaintza aprobetxatuz.
Txirrinduariek 161,1 kilometroko etapa egin dute Risch-Rotkreuzen, bigarren mailako eta lehen mailako bina mendaterekin. Michaelskreuz bi aldiz igo dute. Azkena, 12 kilometrora.
Tropela batera heldu da azken igoerara, ihesaldi saioak harrapatuta, eta maldan gora, Geraint Thomasek (Sky) taldetxoa sortu du. Hasieran, Jakob Fulgsang (Astana) eta Simon Spilakekin (Katiuxa). Gera batu zaie Thibaut Pinot (FDJ), Dani Moreno (Katiuxa), Julian Arredondo (Trek), Fulgsang, Migl Angel Lopez taldekidea, liderra eta Durasek, azkarrena.
Berea izan da erasorik onena, jaitsieran eta azken kilometroan izan den eraso festan. Azkenean, bakarrik joan da, eta 4 segundo atera dizkio taldeari. Atzean, Tom Dumoulinek lidergoa mantendu du.
2. ETAPAKO SAILKAPENAK
</p>