Bitik bi
Murtziako Itzulia: Robert Hunter, berriz ere garaile
Erredakzioa
Garmin taldeko hegoafrikarrak bigarren etapa irabazi du eta lehenengo etapako garaipenari esker jantzi zuen elastiko horiari eutsi dio.
Robert Hunter (Garmin) txirrindulariak garaipena lortu du berriz ere Murtziako Itzuliko bigarren etapan, Caravacan amaitu den 169,8 kilometroko saioan. Hortaz, liderraren elastiko horiari eutsi dio.
Tropela zatituta heldu zen helmugara, lehenengo mailako San Juan mendatea birritan igaro ondoren. Atzoko esprinteko protagonistek lehiatu zuten berriz esprinta, emaitza errepikatuz. Hunterren garaipena, bigarren Brown. Azken honek legez kontrako mugimendua egitea leporatu zion Hunterri, baina epaileek ez zuten emaitza aldatu.
Faboritoen taldean Lance Armstrong iritsi zen, etapa arazo handirik gabe egin ondoren, une oro Radioshack bere taldearen babesean.