Kataluniako Volta (2. etapa)
Bouhannik bigarren garaipena jarraian eskuratu du
Erredakzioa
Cofidis taldeko txirrindulariak irabazi du Voltako bigarren etapa eta lidergoa mantendu du. Frantziarra nagusi izan da esprintean.
Your browser doesn’t support HTML5 video
Nacer Bouhannik (Cofidis) irabazi du Kataluniako Voltako bigarren etapa. Frantziarrak garaipena errepikatu du 2. etapan, astelehenean egin zen lehen etapan ere garaipena lortu ostean. Horrenbestez, Bouhannik lidergoari eutsi dio.
Astelehenean gertatu bezala, etapa garaipena esprintean erabaki da, eta Bouhannik berririo azaldu du azkarrena dela azken metroetan. Mataro eta Olot arteko etapak 178 kilometroko ibilbidea izan du, eta Cofidisek lan ona egin du kontrolean, baita esprinta bideratzerakoan ere. Gainera, sailkapen nagusian aldeak handitu ditu txirrindulari frantziarrak. Gianni Meersman (Etixx-Quick Step) izan da bigarren eta Philippe Gilbert (BMC), hirugarren.
Asteazkenean eta ostegunean mendiko etapak korrituko dira, eta Bouhannik sailkapen nagusiaren buruan ekingo dio asteazkeneko Pirinioetako etapari. Volta irabazteko hautagaien txanda izango da datozen bi egunetan.
">