Doha 2016
Etixx-Quick Step, munduko txapeldun taldekako erlojupekoan
Erredakzioa
Talde belgikarra nagusitu da Dohako erlojupekoan. BMC izan da bigarren eta Orica-BikeExchange, hirugarren. Emakumezkoen mailan Boels talde holandarra nagusitu da.
Your browser doesn’t support HTML5 video
Etixx-Quick Step taldea izendatu da munduko txapeldun taldekako erlojupekoan. Munduko Txapelketa Dohan (Qatar) izaten ari da, eta 40 kilometroko ibilbidea izan du taldekako erlojupekoak.
Belgikako taldeak 42 minutu eta 32 segundotan bete du ibilbidea. BMC izan da bigarren 42'44"ko denborarekin eta Orica-BikeExchange hirugarren, 43'09"ko denborarekin.
Emakumezkoen mailan Boels talde holandarra nagusitu da. Canyon (Alemania) taldea izan da bigarren eta Cervelo (Alemania), hirugarren.