Poloniako Itzulia
Caleb Ewanek irabazi du laugarren etapa eta Saganek lidergoa sendotu du
Erredakzioa
Txirrindulari australiarra esprintean nagusitu da, Danny Van Poppel eta Peter Sagan liderra ere atzean utzita.
Ewan, Poloniako Itzuliko laugarren etapako irabazlea. Argazkia: EFE
Caleb Ewan (ORICA-Scott) australiarrak irabazi du Poloniako Itzuliaren laugarren etapa, Zawiercie eta Zabrze herrien artean 238 kilometroko ibilbidea izan duena.
Remi Cavagnak tropeletik ihes egin du helmugarako 13 kilometro falta zirenean, baina irabazlea esprintean erabaki da. Caleb Ewan izan da azkarrena azken metroetan, Danny Van Poppel (Sky) izan da bigarren eta Peter Sagan (BORA) sartu da hirugarren. Saganek gainsaria jaso du, eta sei segundotik hamarrera igo du sailkapen nagusian bigarrenarekin, Dylan Teunsekin (BMC), duen aldea.