Nazioarteko Txirrindularitza
Euskadi Murias taldea Kontinental Profesional gisa berretsi du UCIk
Erredakzioa
Horrenbestez, kategoria horretan 2011. urtetik lehiatzen duen Caja Ruralekin bat egin du.
Euskadi Murias taldearen entrenamendu saio bat. Argazkia: Euskadi Murias
Nazioarteko Txirrindularitza Federazioak (UCI) datorren denboraldiari begira World Tour eta Kontinental Profesional kategorietan jardungo duten taldeen behin betiko zerrenda plazaratu du astelehen honetan.
Hain zuzen ere, bigarren kategoria horretan lehiatuko du Euskadi Murias taldeak UCIk gaur bertan emandako jakinarazpen ofizialaren ostean.
Horrenbestez, euskal taldeak Caja Ruralekin egingo du bat, zeinak 2011 urtetik lehiatzen duen txirrindularitzako kategoria horretan.
Burgos BH talde espainiarra ere lehendabizikoz arituko da Kontinental Profesional gisa.