Itxi

Laugarrenez

Quick-Step taldeak irabazi du Innsbruckeko munduko txapelketako erlojupekoa

AGENTZIAK | ERREDAKZIOA

Sunbewek eraman du zilarra, BMCek brontzea eta Movistarrek seigarren postuan burutu du Munduko Txaplketako erlojupekoa saio ederra eginez. Fabio Aruk bestalde, norgehiagokan lehiatzeari uko egin dio.

Innsbruckeko Munduko Txapelketako erlojupekoaren sari banaketa. Argazkia: EFE

Quick-Step belgikarrak irabazi du igande honetan Innsbruckeko Munduko Txapelketako bigarren proba, hain zuzen ere, gizonezkoen taldekako erlojupekoa. Movistarrek ere maila ona eman du, seigarren postua eskuratuz.

Modalitateko izar handirik gabe egin dio aurre talde belgikarrak txapelketari, baina seikote sendoa aurkeztu du hiru talderen artean jokatu den sariaren lehian dena emateko, eta egin ere. Gauzak horrela, Tom Dumoulinen Sunweb izan da bigarren eta Rohan Dennisen BMC hirugarren.

Quick-Step taldeak irabazitako erlojupekoaren azken edizioa izan da gaurkoa, emakumezkoen probaren gisa, ez da berriz egingo.

Movistarrek bestalde, sasoi betean dagoela erakutsi du, maila ona emanez eta denbora galantak eginez. Marc Soler, Andrey Amador, Nelson Oliveira eta Jasha Sutterlinek osatu dute taldea, eta aurretik Imanol Erviti eta Winner Anacona gelditu dira.

Bukatzeko, igande honetako probaren ostean, badirudi Soler izango dela Jonathan Castroviejoren bidelagun asteazkeneko bakarkako erlojupekoan. Bizkaitarra, gainera, laugarren izan da Chris Froome eta Geraint Thomas faltan somatu dituen Sky taldean.

 


Albisteak (3)