14:00etan
Castroviejo Munduko Txapelketako erlojupekoan lehiatuko da gaur
Agentziak | Erredakzioa
Rohan Dennis, Primoz Roglic eta Victor Campanaerts hautagia nagusienak dira Yorkshiren dominak lortzeko.
Jonathan Castroviejo, 2018ko munduko txapelketan
Jonathan Castroviejo eta Lluis Mas txirrindulariak izango dira Espainiako selekzioaren ordezkariak 2019ko Yorkshireko Munduko Txapelketako erlojuaren kontrako proban.
52,5 kilometro ditu lasterketak, oso gogorra da eta espezialistentzat aproposa.
Getxoztarrak brontzezko domina erdietsi zuen Dohan, duela hiru urte, eta aurten ez dago oso baikor, 'azken boladan marka on bat ez egiteak konfiantza murriztu dit. Beste urte batzuetan hobeto heldu naiz, konfiantza gehiagorekin. Lehiatu dudan azken erlojupekoa Espainiako Txapelketan izan zen, ekainean'.
Erlojupekoa eguerdiko 14:00etan hasi eta arratsaldeko 17:00etan amaitzea espero da.
Faboritoak
Rohan Dennis (Bahrein-Merida) australiarra, iazko txapelduna Innsbruckeko Mundialean, da faborito nagusiena urrea lortzeko Yorkshireko erlojupekoan. Espainiako Itzulia irabazi berri duen Primoz Roglic (Jumbo-Visma) esloveniarra eta Victor Campanaerts (Lotto Soudal) belgikarra dira podiumera igotzeko beste bi hautagai.
Remco Evenepoel, Tony Martin eta Vasil Kyrienka txirrindulariek onenekin egoteko aukerak dituzte ere.