Koronabirusaren ondorioz
Paris-Nizak igandeko etapa bertan behera utzi du, eta larunbatean amaituko da
Agentziak | Erredakzioa
Larunbateko etapa nagusiak erabakiko du irabazlea zein izango den. 166.5 kilometro egingo dituzte eta helmuga lehen mailako mendate batean egongo da.
Paris-Niza lasterketako txirrindulari bat. Argazkia: Efe.
Paris-Niza lasterketako antolatzaileek igandean jokatzekoa zen azken etapa bertan behera uztea erabaki dute, koronabirusaren eraginez. Horrela, aurtengo edizioa larunbateko etaparekin amaituko da.
Igandeko etapa Nizan hasi eta amaitzea aurreikusita zegoen.
"Agintariekin, Nazioarteko Txirrindularitza Batzordearekin eta Nizako Udalarekin hitz egin ostean, Paris-Nizako antolatzaileok zazpigarren etapa aurtengo azkena izatea erabaki dugu", adierazi dute ohar baten bidez.
Horrela, larunbatean seigarren etapa jokatuko da, etapa nagusia, 166,5 kilometroko ibilbidearekin, eta helmuga Valdeblore La Colmian lehen mailako mendatean egongo da.
Erabaki honekin, txirrindularitzako nazioarteko egutegia larunbatean eten egingo da, azken egunetan lasterketa ugari bertan behera geratu ostean. Momentuz, indarrean jarraitzen duen hurrengoa Flandriako Itzulia da. Lasterketa apirilaren 5an hastea aurreikusita dago.
ANNONCE OFFICIELLE : En concertation avec les autorités, l’Union Cycliste Internationale et la Ville de Nice, les organisateurs de Paris-Nice ont décidé de juger l’arrivée finale de l’épreuve demain samedi à l’issue de la 7ème étape à Valdeblore la Colmiane.
— Paris-Nice (@ParisNice) March 13, 2020