UCIProteam
Euskaltel-Euskadik gorengo mailan jarraitzeko lizentzia berritu du
Erredakzioa
Euskal txirrindulari taldeak UCIProteam barruan jarraituko du 2012. denboraldian.
Igor Anton Vueltako Bilbon amaitu zen etapa garaipena ospatzen. Argazkia: EFE
Euskaltel-Euskadi taldeak txirrindularitzako gorengo mailan jarraitzeko lizentzia berritzea lortu du 2012. urterako beste bederatzi talderekin batera. Hala jakinarazi du UCI erakundeak ohar baten bitartez.
Lizentzia berritzea lortu duten taldeak hauek dira: AG2R, Astana, BMC eta Radioshack-Nissan (Schleck anaien Leopard-Trek bertan sartzen da), Lampre, Liquigas, Rabobank, Vacansoleil eta Sky.
Beste zortzi taldek ere eskatu zuten lizentzia berritzea txirrindularitzako Lehen Mailan jarraitzeko edo bertara sartzeko. Baina momentuz UCIk ez du baiezkoa eman. Maila honetan egon ziren 2011n Movistar eta Garmin Cervelo.