EZBEHARRA
Alaphilippek hainbat haustura ditu eskuin eskuan, Flandrian erori ondoren
AGENTZIAK | ERREDAKZIOA
Motor batekin egin du talka, Mathieu Van der Poel eta Wout van Aertekin batera ihes eginda zihoala.
Julan Alaphilippe, al fondo, en el suelo. Foto: Imagen obtenida de uN vídeo de ETB
Julian Alaphilippe txirrindulari frantziarrak, errepideko hondoko munduko txapeldunak, erorikoa izan du igande honetan Flandriako Tourra, denboraldiko bere azken lasterketa zena, lehiatzen zegoela. Eroriko horren eraginez, hainbat haustura ditu eskuin eskuan, eta ebakuntza egingo diote astelehen honetan horiek sendatzeko, Deceuninck-Quick Step taldeak jakitera eman duenez.
Frantziarrak (28 urte) lasterketako motor batekin egin du tupust proba amaitzeko 35 kilometroren faltan. Une horretan, ihes eginda zihoan Mathieu Van der Poelekin (lasterketa irabazi duen txirrindularia) eta Wout van Aertekin batera. Munduko Txapelduna errepidean etzanda geratu da, min keinuak eginez.
Alaphilippe ospitalera eraman dute, eta bertan egin dizkioten erradiografiek hausturak erakutsi dituzte eskuin eskuko 2. eta 4. metakarpo-hezurretan.