159,7 kilometroko jardunaldia
Urduñako Portua, gaurko Vueltako 7. etapako gakoa
eitb.eus
Gasteizen hasiko da gaur etapa eta Uribarri-Gaubean amaitu Urduña birritan igo eta gero.
Perfil de la 7ª etapa
Espainiako Vueltan lehen atseden eguna izan zuten atzo txirrindulariek. Igandeko Izagirre anaien erakustaldiaren ondoren gaur lasterketa Euskal Herrira dator bueltan.
Gasteizeko Mendizabala zelaigunetik irtengo da etapa eguerdiko 13:00etan eta Gopegi, Murgia, Espejo, Añana, Subilla-Morillas eta Izarratik igaro ondoren Uribarri-Gaubean amaituko da 17:15ean inguru 159,7 kilometro egin eta gero.
Atsedenik gabeko ibilbidea izango du tropelak eta Urduñako Portua birritan igo beharko dute; aurreneko pasoa 67. kilometroan izango da (helmugatik 92ra) eta bigarrenena 140.ean, helmugatik 19ra besterik ez.
Beraz, atseden egunean indarrak hartu eta gero txirrindulariek erasorako abagune ona izango dute.
ETAPAKO PROFILA
IBILBIDEAREN MAPA