681 test
PCR proba guztiek negatibo eman dute
eitb.eus
Espainiako Itzulia hasi baino lehen egin ziren aurreneko testak eta guztietan ez da positiborik izan.
Kutsaturik ez
Espainiako Itzuliaren bigarren atseden eguna izan zen atzo.
Antolatzaileek egindako 681 testetan ez da positiborik izan, beraz, lasterketak arazorik gabe jarraituko du.
Irunen irteera hartu baino lehen aurreneko probak egin ziren eta azkeneko hauek egin diren laugarrenak izan dira. Guztietan txirrindulariek eta langileek negatibo eman dute, "eskerrak eman nahi dugu. Bai talde, txirrindulari eta lasterketan dauden guztiei. Lan ona egiten ari dira, ardura erakusten ari dira eta horrela denak helduko dira Madrilera", adierazi du UCIk, Nazioarteko Txirrindularien Elkarteak, agiri baten bitartez.