76. edizioa
2021eko Vuelta otsailaren 11n aurkeztuko da, Burgosen
EITB MEDIA
Abuztuaren 14an hasiko da eta irailaren 5ean amaitu, koronabirusaren pandemiak ekiditen ez badu.
Espainiako Itzuliko 76. edizioaren ibilbidea otsailaren 11n aurkeztu egingo dela iragarri du gaur Unipubliceko enpresak. Ekitaldia Burgoseko Forum Evolucion izeneko Kongresu Jauregian egingo da eguerdiko 12:00etan.
Teledeportek zuzenean eskainiko duen galan 21 etapen berri emango da eta zeharkatuko diren hirien izenak jakitera emango dira.
2020ko edizioan Primoz Roglic (Team Jumbo-Visma) esloveniarrak erdietsi zuen garaipena, Ekuadorreko Richard Carapaz (Ineos Grenadiers) izan zen bigarrena eta Hugh John Carthy (Education First Pro Cycling) britainiarra hirugarrena.