Romandiako Tourra (2. etapa)
Colbrellik bereganatu du bigarren etapa, eta Dennisek lidergoan jarraitzen du
EITB Media
Txirrindulari italiarra nagusi izan da Romandiako Tourreko 2. etapan, esprintean Bevin eta Hirschi mendean hartuta. Rohan Dennisek bigarren egunez jarraian eutsi dio liderraren elastikoari.
Sonny Colbrelli, garaipena ospatzen. Argazkia: EFE
Sonny Colbrellik (Bahrain – Victorious) irabazi du Romandiako Tourreko bigarren etapa, La Neuveville eta Saint-Imier (165,7 km) artean egin dena. Rohan Dennisek (Ineos Grenadiers) lidergoari eutsi dio bigarren egunez jarraian.
Azkenean, garaipena lortu du Sonny Colbrellik (Desenzano del Garda, Italia, 30 urte), bezperan Saganek irabazitako lehen etapan bigarren izan ostean. Ostegun honetan, italiarra izan da nagusi esprintean, Patrick Bevin (Israel Start Up) eta Marc Hirschi (UAE Emirates) mendean hartuta. Lasterketa irabazteko faboritoak tropelean iritsi dira.
Sailkapen nagusiko liderra da Rohan Dennis, Bevin da bigarren, zortzi segundora, gainsariei esker, eta ondoren Geraint Thomas eta Richie Porte Ineoseko taldeburuak daude, hirugarren eta laugarren postuetan, hurrenez hurren, liderrarengandik bederatzi segundora.