Erorikoa Giroan
Ondo joan da Mikel Landari egindako ebakuntza, Giroan lepauztaia hautsi ostean
AGENTZIAK | EITB MEDIA
Murgiako txirrindulariak erorikoa izan zuen bosgarren etapan, eta lepauztaia apurtzeaz gain, hainbat saihets ere hautsi zituen.
Mikel Landa. Argazkia: EFE
Mikel Landa (Bahrain Victorious) txirrindulariari ebakuntza egin behar izan diote astelehen honetan, Italiako Giroko bosgarren etapan izandako erorikoan lepauztaia hautsi eta gero.
Arabako eskalatzailearen gertuko iturriek Eferi baieztatu diotenez, Mikel Sanchez traumatologo entzutetsuak eta haren taldeak egin diote ebakuntza Gasteizko ospitale batean, bertan behaketapean lau egun igaro ostean.
Era horretako lesioen osatze-epea 90 egun bueltakoak dira, baina euskal txirrindulariaren kasuari, ezkerraldeko zenbait saihets-hezurren haustura ere gehitu behar zaio, medikuaren txostenak plazaratu zuenez.
Your browser doesn't support HTML5 video.