Bisseggerrek lortu du etapa garaipena eta Van der Poelek lidergoari eutsi dio

Stefan Bissegerrek (EF Education - Nipo) irabazi du Suitzako Itzuliko laugarren etapa, St. Urban eta Gstaad (171 km) artekoa, eta Mathieu Van der Poelek (Alpecin-Fenix) lidergoari eutsi dio.

Bissegger eguneko ihesaldiko protagonista izan da Benjamin Thomas (Groupama - FDJ) eta Joey Rosskopf (Rally Cycling) txirrindulariekin batera, eta hiruren artean izan dute jokoan etapako garaipena. Azken metroetan Rosskopf jarri da taldetxoaren buruan, baina Bisseggerrek mendean hartu du esprintean. Thomas izan da bigarren, eta Rosskopf hirugarren. Hirukotetik 23 segundora helmugaratu da Joel Suter (Bingoal - Wallonie Bruxelles). Tropela, aldiz, irabazlearengandik 5'16"ra iritsi da helmugara. 

Sailkapen nagusiko lehen postuetan ez da aldaketarik egon: Van der Poel da liderra, Julian Alaphilippe (Deceuninck - Quick Step) da bigarren segundo bakarrera, eta Stefan Kung (Groupama - FDJ) hirugarren postuan da liderrarengandik lau segundora.

Laugarren etapako sailkapena:

1 - BISSEGGER Stefan (EF Education) 3:46:21

2 - THOMAS Benjamin (Groupama) d. b.

3 - ROSSKOPF Joey (Rally) d.b.

4 - SUTER Joel (Switzerland) +23"

5 - THEUNS Edward (Trek) +5'16"

6 - MOLANO Juan Sebastián (UAE) d. b.

7 - FRAILE Omar (Astana) d. b.

8 - TEUNISSEN Mike (Jumbo) d. b.

9 - WRIGHT Fred (Bahrain) d. b.

10 - MATTHEWS Michael (BikeExchange) d. b.

Sailkapen nagusia:

1 - VAN DER POEL Mathieu (Alpecin) 12:40:51

2 - ALAPHILIPPE Julian (Deceuninck) +1"

3 - KÜNG Stefan (Groupama) +4"

4 - SCHACHMANN Maximilian (BORA) +6"

5 - CATTANEO Mattia (Deceuninck) +13"

6 - GARCÍA CORTINA Iván (Movistar) +16"

7 - CARAPAZ Richard (INEOS) +17"

8 - POWLESS Neilson (EF Education) +29"

9 - KRON Andreas (Lotto) +37"

10 - BISSEGGER Stefan (EF Education) +38"