Ion Izagirre, Espainiako txapelduna erlojuaren kontra

Ostiral honetan jokatu dira 2021eko Espainiako Erlojuaren kontrako Txirrindularitza Txapelketak Alacanteko Busot herrian. Lasterketak 32 kilometroko ibilbidea izan du.

Gizonezkoetan Ion Izagirre izan da onena David De la Cruzen eta Carlos Rodriguezen aurretik eta irabazteko hautagai zen Pello Bilbao bosgarren izan da.

Emakumezkoetan, aldiz, Lourdes Oyarbidek brontzezko domina erdietsi du; Mavi Garciak urrea eta Sara Martinek zilarra.

Eta 23 urte azpiko sailkapenean Jose Luis Arrieta txirrindulari ohiaren semea den Igor Arrieta nafarra izan da txapelduna eta Enekoitz Azparren hirugarren.