Ibilbidea
Port Ainen izango du helmuga Kataluniako Voltaren etapa nagusiak
Erredakzioa
Aukera gutxi izango dute aurten abiadura-lasterkariek, ia etapa gehienek mendate bat izango baitute helmugatik hurbil.
Kataluniako Voltaren artxiboko irudia. Argazkia: EFE
Kataluniako Voltaren 92. edizioa martxoaren 19tik 25era bitartean jokatuko da eta antolakuntzak etapak jakinarazi ditu. Azpimarragarriena, etapa nagusiak Port Ainen izango duela helmuga.
Aukera gutxi izango dute aurten abiadura-lasterkariek ia etapa gehienek mendate bat izango baitute helmugatik hurbil. Iaz Alberto Contador nagusitu zen, baina TASek ezarri zion zigorraren ondorioz Michelle Scarponi (Lampre) txirrindulariari eman diote garaipena.
Voltako etapak:
- 1.etapa martxoaren 19an: Calella - Calella, 138 km.
- 2. etapa martxoaren 20an: Girona - Girona, 161 km.
- 3. etapa martxoaren 21ean: La Vall d'en Bas (Sant Esteve d'en Bas)-Port Aine, 210 km.
- 4. etapa martxoaren 22an: Tremp - Asco, 199 km.
- 5. etapa martxoaren 23an: Asco - Manresa 199 km.
- 6. etapa martxoaren 24an: Sant Fruitos del Bages - Badalona 169 km.
- 7. etapa martxoaren 25ean: Badalona - Bartzelona 119 km.