Bi urtez
De la Partek kontratua berritu du TotalEnergies taldearekin, 2023ra arte
A. B. E. | EITB Media
Victor de la Parte euskal txirrindulariak beste bi urtez jarraituko du Frantziako taldean.
Victor de la Parte, Team TotalEnergies taldeko euskal txirrindularia. Argazkia: EITB Media
Victor de la Partek kontratua berritu du Team TotalEnergies taldearekin 2023ra arte. Edvald Boasson-Hagen eta Jeremy Cabot txirrindularien kontratu berritzeak ere iragarri ditu taldeak.
De la Parte "pozik" azaldu da Frantziako taldean beste bi urtez jarraituko duelako: "Oso pozik nago Team TotalEnergieseko nire familian jarraituko dudalako. Taldean bete dudan lehen denboraldia bikaina izan da, eta oraindik gauza handiak egin behar ditugu elkarrekin. Taldeak helburu garrantzitsuak ditu datozen urteetarako, eta hori albiste ezin hobea da".