Pistako txirrindularitza
Jaime Romero, hamaseigarren Europako Txapelketako bakarkako jazarpen proban
EITB MEDIA
Astigarragakoak ez du aurrera egin sailkapen txandan. Hala ere, txapelketan izan duen parte-hartzearen balorazio positiboa egin du
Jaime Romero, banakako jazarpen proban. Argazkia: Basque Team
Jaime Romero Basque Teameko txirrindulariak ez du sailkapen-txanda gainditu banakako jazarpen probako Europako Txapelketan. Astigarragakoak 16. postuan amaitu du, 4:26.499ko markarekin.
Romero nahiko ondo atera da, baina gero, erritmoa biitzerakoan, bere denboraren azpitik sartu da eta azken sei itzulietan behera etorri da, aurrera egiteko aukerarik gabe geratuta.
Romerok Europako Txapelketan izan duen parte-hartzearen balorazio positiboa egin du. Taldekako zein banakako jazarpen probak ikasten jarraitzeko balio izan diotela adierazi du.