Kontratu berritzeak
Barrenetxeak, Murguialdayk eta Etxeberriak kontratuak berritu dituzte Caja Rural-Seguros RGA taldearekin
EITB Media
Hiru txirrindulariek Nafarroako taldean jarraituko dute 2023an. 2000. urtean jaiotakoak dira hirurak eta 2021ean egin zuten debuta lehen taldearekin.
Murguialday, Barrenetxea eta Etxeberria Caja Ruraleko txirrindulariak. Foto: @CajaRural_RGA
Jon Barrenetxea, Jokin Murguialday eta Josu Etxeberria txirrindulariek Caja Rural-Seguros RGA taldean jarraituko dute 2023an, ostegun honetan kontratuak berritu ostean beste denboraldi batez.
Hirurak 2000. urtean jaiotakoak dira, 2021 denboraldian egin zuten debuta lehen taldearekin eta Caja Rural-Seguros RGArekin eman zituzten lehen urratsak Kontinental Mailan.
Kontratu berritze horiekin, Nafarroako taldeak hiru txirrindulari gazteak taldean mantentzea lortu du.