Suitzako Tourra
Michael Albasinik garaipena lortu du Arosan, Mikel Nieveren aurretik
Erredakzioa
Suitzako txirrindulariak garaipen ederra lortu du etxean, Mikel Nieve leitzarraren aurretik. Rui Costa portugaldarrak (Movistar) lidergoari eutsi dio.
Your browser doesn’t support HTML5 video
Michael Albasinik (Orica-Greenedge) irabazi du Suitzako Tourreko zortzigarren etapa. Txirrindulari suitzarra eguneko ihesaldian izan da, eta iheskideak atzen utzi ostean garaipen bikaina lortu du Arosako mendatean. Albasiniren atzetik faboritoak heldu dira, eta Mikel Nieve nafarrak bigarren postua eskuratu du Levi Leipheimer esprintean gaindituta. Laugarren, Frank Schleck (Radioschak) izan da.
Bere zaleen aurrean lortu du garaipena Michael Albasinik, itzuliko etapa gogorrenean. Txirrindulariek Castiel eta Arosa mendateak gainditu behar izan dituzte, azkenengo kilometroetan.
Gainera, Rui Costa portugaldarrak lidergoari eutsi dio Arosan. Movistar taldeko txirrindulariak 14 segundoko aldea du Frank Schleckekin sailkapen nagusian, eta 21 segundo Leipheimerrekin. Mikel Nieve leitzarra bosgarren jarri da, 40 segundora.
Bihar azkenengo etapa izango du tropelak (Nafels-Lintharena). Txirrindulariek 216 kilometro egin beharko dituzte, eta helmuga aurretik 4 mendate gainditu beharko dituzte.
8. etapa:
1 Michael ALBASINI Orica GreenEDGE 03:45:39
2 Mikel NIEVE Euskaltel - Euskadi 00:01:15
3 Levi LEIPHEIMER Omega Pharma-QuickStep 00:01:15
4 Frank SCHLECK RadioShack-Nissan 00:01:15
5 Robert GESINK Rabobank Cycling Team 00:01:36
6 Thibaut PINOT FDJ-BigMat 00:01:36
7 Tom DANIELSON Garmin-Barracuda 00:01:36
8 Steven KRUIJSWIJK Rabobank Cycling Team 00:01:39
9 Roman KREUZIGER Astana Pro Team 00:01:57
10 Jakob FUGLSANG RadioShack-Nissan 00:01:57
11 Nicolas ROCHE AG2R La mondiale 00:02:05
12 Giampaolo CARUSO Katusha Team 00:02:05
13 Alejandro VALVERDE Movistar Team 00:02:05
Sailkapen nagusia:
1 Rui Alberto FARIA DA COSTA Movistar Team 29:58:39
2 Frank SCHLECK RadioShack-Nissan 00:00:14
3 Levi LEIPHEIMER Omega Pharma-QuickStep 00:00:21
4 Robert GESINK Rabobank Cycling Team 00:00:25
5 Mikel NIEVE Euskaltel - Euskadi 00:00:40
6 Roman KREUZIGER Astana Pro Team 00:00:42
7 Tom DANIELSON Garmin-Barracuda 00:00:43
8 Steven KRUIJSWIJK Rabobank Cycling Team 00:01:01
9 Alejandro VALVERDE Movistar Team 00:01:04
10 Thibaut PINOT FDJ-BigMat 00:01:13
11 Thomas LÖVKVIST Sky Procycling 00:01:22
12 Jakob FUGLSANG RadioShack-Nissan 00:01:26
13 Nicolas ROCHE AG2R La mondiale 00:01:52
14 Chris SÖRENSEN Team Saxo bank 00:02:12