15:30ean
Emakumeen Nafarroako Klasikoa, zuzenean, asteazken honetan, eitb.eus-en
Agentziak | EITB MEDIA
Goi-mailako partaidetza izango du eta 136 kilometroko ibilbidean bederatzi tontor igoko dituzte.
"Emakumeen Nafarroako Klasikoa 2023" lasterketaren perfila
Emakumeen Nafarroako Klasikoa asteazken honetan, maiatzak 10, jokatuko da. Guztira, WorldTeam mailako 23 taldek parte hartuko dute; tartean, Movistar, Canyon eta Israel Premier Tech Roland.
Lasterketa zuzenean emango du eitb.eus-ek 15:30etatik aurrera.
Lehen bi egunetan lehiatzen zen proba egun bakar batean lehiatuko da orain, gogorragoa eta ikusgarriagoa izateko eta Women Elite1Pro mailara igo ahal izateko. Horri esker, egutegiko lasterketa garrantzitsuenen artean izango da.
Irteera eta helmuga Iruñeko Antso Azkarraren etorbidean izango da, eta 136ko ibilbidea egingo dute, bederatzi mendaterekin: : Olaberri, Tiebas, Biurrun, Tirapu, Añorbe, Artajona, El Perdón, Zariquiegui eta Galar. Lasterketa 14:00etan hasiko da eta 17:30ak inguruan amaitzea aurreikusita dago.