Dopatu izana leporatu diote
Atzera bota dute Armstrongek USADAren aurka jarritako helegitea
Erredakzioa
Epailearen ustez, helegiteak ez ditu beharrezkoak diren estandar teknikoak betetzen eta Armstrogen aldeko alegatua baino ez da.
Lance Armstrongen artxiboko irudia. Argazkia: EFE
Texaseko epaile federal batek atzera bota du Lance Armstrong txirrindulari ohiak USADA AEBetako Dopinaren Aurkako Agentziaren kontra jarritako helegitea, Austineko Auzitegiko iturriek konfirmatu dutenez. Beharrezkoak diren estandar teknikoak ez betetzeagatik bota du atzera helegitea Sam Sparks epaileak. USADAk dopatu izana leporatu dio Armstrongi.
Estatubatuarraren abokatuek 80 orriko demanda aurkeztu zuten astelehenean haren aurka hasitako prozesuari amaiera emateko asmoz, baina Sparks epailearen ustez helegite bat baino Armstrongen aldeko alegatua baino ez da. 20 eguneko epea eman dio epaileak Armstrongi helegitea berriro ere aurkezteko.