Asteazkena, irailak 6
Espainiako Vueltako 11. etaparen profila eta ibilbidea: Lerma - Laguna Negra (163,5 km)
EITB Media
Talderen bat ihesaldia egitera animatzen bada, etapa irabazteko aukera izango du, azken txanparako indarrak gordetzea ahaztu gabe. Era berean, liderren bati hori zailtzen bazaio, oso denbora garrantzitsua gal dezake.
Espainiako Vueltaren 11. etaparen profila. Argazkia: lavuelta.es
Irailaren 6an, asteazkena, 2023ko Espainiako Vueltako hamaikagarren etapa jokatuko da. Txirrindulariek etapa ia erabat laua izango dute aurrean, baina 1. mailako igoera bat izango dute zain azken partean. Etapak 163,5 kilometroko ibilbidea izango du, eta Lermatik irten eta Laguna Negra Vinuesako parke naturalean amaituko da.
1.000 metrotik gorako garaieran amaituko den etapak ez die arazo handirik ekarriko txirrindulariei, 145 kilometroko ibilbide laua eta zailtasunik gabekoa baitu. Hori bai, helmugara iristea ez da hain erraza izango, etaparen amaieran Laguna Negra 1. mailako mendatea igo beharko baitute, tarteka % 14ko maldak dituena.
Valladolideko 25,8 kilometroko erlojupekoaren ostean sailkapen nagusia argiago dagoela, irabazteko aukerak dituzten txirrindularien taldeak datozen egunetan egingo dituzten mugimenduak antolatzen has daitezke.
Ikusgai dago liderren taldeek maniobrarako tartea utziko ote dieten etapa irabaztera irteten diren ziklistei. Kontrolpean mantentzen badituzte, ikusiko da igoera heldu baino lehen ondorioren bat dagoen ala ez.
Sepp Kuss estatubatuarra (Jumbo-Visma) sailkapeneko lehen tokian iritsi da gaurko etapara, Marc Soler (UAE Emirates) 26 segundora eta Remco Evenepoel 01:24ra dituela. Primoz Roglic (Jumbo-Vista) edo Jonas Vingegaard ere garaipena eskuratzeko hautagaiak dira.
FITXA TEKNIKOA:
Etapa: 11. etapa (irailak 6, asteazkena)
Ibilbidea: Lerma-Laguna Negra (Vinuesa)
Distantzia: 163,5 km
Irteera ordua: 13:15
Iritsiera ordua: 17:17 (41 km/h) | 17:30 (39 km/h) | 17:43 (37 km/h)
Mendiko saria: Laguna Negra (1. maila), 163,2. kilometroan