Harrapatzea
Josu Etxeberria txirrindularia larri, auto batek harrapatu ostean
AGENTZIAK | EITB MEDIA
Caja Rural taldeak sareetan jakinarazi duenez, txirrindulari nafarrak lesio ugari ditu, eta, larri dagoen arren, esna dago eta gorputz-adarrak mugitzen ditu. Nafarroako Unibertsitateko ZIUan dago.
Josu Etxeberriaren artxiboko irudia, Jaengo klasikan. EFE
Josu Etxeberria Caja Rural taldeko txirrindularia Nafarroako Unibertsitateko Ospitaleko ZIUan dago, asteazken eguerdian, entrenatzen ari zela, auto batek harrapatu eta larri zaurituta.
Caja Rural taldeak sareetan jakinarazi duenez, txirrindulari nafarrak lesio ugari ditu, eta, larri dagoen arren, esna dago eta gorputz-adarrak mugitzen ditu.
Istripua asteazkenean gertatu zen, 13:30 aldera, Guliatik Arostegira doan NA-4120 errepidearen laugarren kilometroan, Izan, Foruzaingoak azaldutakoaren arabera.
Etxeberriak 23 urte ditu, eta Iturmendin bizi da. Helikopteroz eraman zuten ospitalera. Autoko gidaria (21 urte eta Berrioplanokoa) onik atera da.