Landarekin batera
Evenepoel Frantziako Tourrean izango da lehen aldiz
AGENTZIAK | EITB MEDIA
Halaber, Soudal Quick-Step taldera Bahrain-Victoriousetik datorren Mikel Landa euskalduna ere batuko da, World Tourreko eskalatzaile onenetakoa.
Remco Evenepoel. Artxiboko argazkia: EFE
Remco Evenepoel txirrindulari belgikarrak 2024ko Frantziako Tourrean parte hartuko duela baieztatu du astearte honetan, Calpen (Alacant), Soudal Quick-Step taldearen aurkezpenean.
"Frantzian asko ibiliko naiz datozen hilabeteetan eta emaitza on gehiago lortzea eta Tourrean debut ona egitea espero dut", azpimarratu du taldeak zabaldu dituen adierazpenetan.
Bahrain-Victoriousetik etorritako Mikel Landa euskalduna, World Tourreko eskalatzaile onenetakoa, gehitu zaio taldeari.
"Talde honetara iristeak motibatu egin nau, eta irrikaz nago aste pare batean hasteko. Itzuli handietan dudan esperientzia taldeari eta Remcori laguntzeko erabili nahi dut, arrakasta orokorra lortzen lagundu dezakedala uste baitut", esan zuen Landak.