Arnaud De Liek eta Cat Fergusonek irabazi dute 2024ko Binche-Chimay-Binche klasikoa, Belgikan

Lotto Dstny taldeko Arnaud De Lie txirrindulari belgikarrak eta Movistar taldeko Cat Ferguson ziklista britainiarrak irabazi dute 2024ko Binche-Chimay-Binche lasterketa, asteartean, Belgikan. De Lie, gizonezkoen lasterketan, eta Ferguson, emakumezkoen proban, onenak izan dira, eta, horrenbestez, garaipena eskuratu dute, aipatutako klasikoan.

Hala, Binche-Chimay-Binche pour Dames lasterketan, alegia, emakumezkoen probaren laugarren ekitaldian, Cat Fergusonek, 18 urtekoa bera, aldarrikatu du sasoi bikainean dagoela; izan ere, Zurichen jokatu berri duten Munduko Txapelketan, junior mailan, errepideko lasterketan eta erlojupekoan urrezko domina irabazi ditu. Asteartean, Fergusonek hamabi emakumeren artetik izan du garaipena aurreneko postua; Laboral Kutxa-Euskadi Fundazioko Laura Tomasi italiarra izan da tartean, eta azkenean hamargarren postuan helmugaratu da euskal taldeko txirrindularia. Euskal Herriko txirrindulariei dagokienez, Idoia Eraso izan da aurrena, 97. sailkatuta, 4:33ra.

Sailkapena

1 - FERGUSON Cat (Movistar) 2:53:31

2 - SCHWEINBERGER Christina (Fenix) d. b.

3 - AHTOSALO Anniina (Uno-X) d. b.

4 - KOOL Charlotte (DSM) d. b.

5 - TRUYEN Marthe (Fenix) d. b.

37. Binche-Chimay-Binche/Frank Vandenbroucke Memorialari dagokionez, Arnaud De Lie esprinterrak poltsikoratu du garaipena. Lotto taldeko ziklista gazteak, azken metroetan, Biniam Girmay (Intermarche) eta Milan Fretin (Cofidis) hartu ditu mendean; bi horiek helmugaratu dira bigarren eta hirugarren tokietan, hurrenez hurren.

Euskaltel-Euskadiko Jon Aberasturik 21. postua erdietsi du, eta irabazlearen denbora berean sartu da.

Sailkapena

1 - DE LIE Arnaud (Lotto) 4:29:38

2 - GIRMAY Biniam (Intermarche) d. b.

3 - FRETIN Milan (Cofidis) d. b.

4 - PHILIPSEN Jasper (Alpecin) d. b.

5 - ALBANESE Vincenzo (Arkea) d. b.