Uztailak 9, asteazkena
2025eko Frantziako Tourreko 5. etaparen profila: Caen–Caen, 33 km, banakako erlojupekoa
EITB
Errepide zabal eta lauen arteko ibilbideak hanka sendoenak dituzten txirrindulariei egingo die mesede.
2025eko Frantziako Tourreko 5. etapako profila. Irudia: A.S.O.
2025eko Frantziako Tourrak 5. etapa izango du asteazkenean, uztailak 9, Caenen hasi eta bukatuko den 33 kilometroko banakako erlojupekoarekin.
Erlojupekoak lehen aldeak ezarri ditzake lasterketaren 112. edizioan. Errepide zabal eta lauen arteko ibilbideak hanka sendoenak dituzten txirrindulariei egingo die mesede. Beren potentziagatik nabarmentzen diren txirrindulariak nagusituko dira, segundoak pilatzeko oso baliagarria izan daitekeen etapa honetan.
Remco Evenepoel da faboritoetako bat, erlojupekoetan espezialista baita. Hala, lehen jardunaldietan galdutako denbora berreskuratzen saiatuko da. Lehen lau etapak lehiatuta, bederatzigarren tokian dago sailkapen ofizialean, Mathieu Van der Poel liderra 58 segundora duela.
Lasterketa zuzenean jarraitu ahal izango da eitb.eus-en, 13:50ean hasita, eta ETB1en, 15:00etatik aurrera.
FITXA TEKNIKOA
Etapa: 5. etapa (uztailak 9, asteazkena)
Ibilbidea: Caen-Caen
Distantzia: 33 km (banakako erlojupekoa)
Hasiera-ordua: 13:10, lehen txirrindularia; 17:05, azken txirrindularia
Amaiera-ordua: 13:47, lehen txirrindularia; 17:42, azken txirrindularia
Mendiko saria: (ez dago)