Ostirala, uztailak 25
2025eko Tourraren 19. etaparen profila, ibilbidea eta ordutegia: Albertville-La Plagne (129,9 kilometro)
EITB
Alpeetako mendiko estapa 130 kilometroko jardunaldi labur baina bizia izango da, eta 4.600 metrotik gorako desnibela izango du. Txirrindulariek Col de Saisies, Col du Pré eta Cormet de Roselend igoko dituzte La Plagneko azken igoerari ekin aurretik.
2025eko Tourraren 19. etaparen profila
2025eko Frantziako Tourrak 19. etapa izango du ostiralean, uztailak 25, Albertvillen hasi eta La Plagnen bukatuko den 129,9 kilometroko ibilbidearekin.
Alpeetako mendiko etapa 130 kilometroko jardunaldi labur baina bizia izango da, eta 4.600 metrotik gorako desnibela izango du.
Txirrindulariek Col de Saisies, Col du Pré eta Cormet de Roselend igoko dituzte La Plagneko azken igoerari ekin aurretik. La Plagneko 19,1 km-ko azken igoera, bestalde, oso-oso gaitza izango da.
EITBn ikusiko dugu, zuzenean; eitb.eus-en, emanaldia 14:55ean hasiko da, eta ETB1en, ordea, egunero bezala, 15:00etan.
ETAPAKO PROFILA
19. etapa, uztailak 25, ostirala: Albertville-La Plagne (129,9 kilometro)
COL DU PRE ETA CORMET DE ROSELEND
Col du Prerako eta Cormet de Roselenderako igoerak, 2025eko Frantziako Tourreko 19. etapan. Irudia: A.S.O.
LA PLAGNE
FITXA TEKNIKOA
Etapa: 19. etapa (uztailak 25, ostirala)
Ibilbidea: Albertville-La Plagne
Distantzia: 129,9 km
Hasiera-ordua: 13:30
Amaiera-ordua: 17:18 (36 km/h) | 17:32 (34 km/h) | 17:46 (32 km/h)
Mendiko saria: Cote d'Hery-sur-Ugine (2. maila), 18,3. kilometroan; Col des Saisies (1. maila), 35,1. kilometroan; Col du Pre (Maila Berezia), 66. kilometroan; Cormet de Roselend (2. maila), 78,5. kilometroan; La Plagne (Maila Berezia), 129,9. kilometroan