Berna-hezurra hautsita
Contadorri ez diote ebakuntzarik egingo
Erredakzioa
Azkenean, "tratamendu kontserbadorearekin" gainditu beharko du Pintoko txirrindulariak lesioa.
Contadorri ez diote ebakuntzarik egingo. Argazkia: EFE
Alberto Contadorri ez diote ebakuntzatik egin beharko. Txirrindulariak Frantziako Tourra utzi behar izan zuen, 10. etapan, erorikoa izan eta berna-hezurra hautsi eta gero.
Madrilera gaur heldu da Tinkoff taldeko txirrindularia, eta hainbat proba egin dizkiote. Azkenean, "tratamendu kontserbadorearekin" gainditu beharko du Pintokoak lesioa.
"Kostata iritsiko naiz Espainiako Itzulira", esan du Contadorrek. Hala ere, madrildarraren helburua Vueltan (abuztuaren 23tik irailaren 14ra) parte-hartzea izango da.
Zauria zaindu eta berehala (hamar egun barru, gutxi gorabehera) bizikletara igoko da berriro ere Contador.