Erorikoa
Contadorrek 76,8 km/h-ko abiadura zuen Tourrean jausi zenean
Erredakzioa
Twitterren argitu du jausi zen momentuko abiadura. Lasterketa uztera behartu zuen eroriko horrek.
Contadorren abiadura: 76 km/h / Alberto Contador (Twitter).
Alberto Contadorrek (Tinkoff-Saxo), Twitterren adierazi duenez, 76,8 kilometro orduko abiadura zuen Frantziako Tourrean jausi zen momentuan. Eroriko horren ostean, lasterketa utzi behar izan zuen txirrindulariak. Tourra irabazteko faborito nagusien artean zegoen.
"20 egunen ostean, artxiboa deskargatu dut eta erorikoaren abiadura zehatza ikusi ahal izan dut: 76,8 km/h!", argitaratu du Twitterren, bere fitxategi pertsonalaren argazki batekin batera.
Contador lurrera joan zen Petit Ballon jaisten ari zen bitartean, eta tibia apurtu zuen. Madrildarrak ezin izango du Espainiako Vueltan parte hartu.
20dias despues de mi caida en el Tour,he bajado el archivo y he podido ver la velocidad exacta en la caida.76.8km/h! pic.twitter.com/DMUHP910e7
— Alberto Contador (@albertocontador) agosto 3, 2014