11. etapa
Majka, Tourmaleten onena
AGENTZIAK | ERREDAKZIOA
Poloniarrak Dan Martinen eta Buchmannen aurretik irabazi du, ihesaldi luze bati amaiera biribila emanda. Sailkapen nagusian, aldaketa handirik ez.
Your browser doesn’t support HTML5 video
Rafal Majkak (Tinkoff) erdietsi du Frantziako Tourraren 11. etapa (188 kilometro, Pau ? Cauterets / Valle de Saint Savin artean). Ihesaldi luze bati amaiera biribila eman dio poloniarrak.
66. kilometrotik ihesaldian eman du Majkak eguna eta lasterketaren burua beste zazpi txirrindularik osatu dute.
Tourmaleten gora bakarrik geratu da Contadorren taldekidea eta helmugara bakarrik heldu da. Minutu batera Dan Martin helmugaratu da eta Buchmannek hirugarren postuan bukatu du. Tropela bost bat minutura sartu da.
Sailkapen nagusian, aldaketa handirik ez. Froomek lidergoari eutsi dio. Van Garderen bigarren dago, 2.52ra, eta Nairo Quintana hirugarren, 3.09ra.
12. etapa izango da aurtengo nagusia. Jardunaldia Lannemezanen hasi eta Plateau de Beillen bukatuko da. Maila berezikoa izango da tropelak, azkenengo kilometroetan, gainditu beharreko mendatea. Aurretik Aspet, Col de la Core eta Port de Lers igo beharko dituzte txirrindulariek.
</p>