Lasterketa utzi du
Ion Izagirrek haustura lunbarra du eta ebakuntza egingo diote
Agentziak | Erredakzioa
Bahrein Merida taldeko txirrindularia Alejandro Valverde erori zen leku berberean erori da eta Tourra utzi behar izan du.
Ion Izagirre. Argazkia: EiTB.
Ion Izagirre gipuzkoarrak haustura lunbarra du eta ebakuntza egin beharko diote, Frantziako Tourreko lehenengo etapan izandako erorikoaren ondorioz, Bahrein Merida taldeak aditzera emandakoaren arabera. Izagirre erlojuaren kontrako saioko zazpigarren kilometroan erori zen.
Gipuzkoarra Düsseldorfeko ospitalera eraman zuten, Alejandro Valverde eroritako leku berean erori ostean. Murtziarra ere ospitalera eraman zuten eta ebakuntza egin zioten. Euriak errepidea oso irristakor utzi zuen eta txirrindulariek kontuz ibili behar izan zuten Tourreko estreinako etapan.
Bahrein Merida taldeak adierazi duenez, hurrengo egunetan lesioaren larritasuna aztertuko dute, errekuperazio prozesua zenbatekoa izango den zehazteko.
Izagirrek etapa bat irabazi zuen iazko Tourrean, eta aurtengo edizioan bere taldeko liderra zen, Vincenzo Nibaliren ordez.
Medical update on Ion #Izagirre after today's crash at @LeTour
— Team Bahrain Merida (@Bahrain_Merida) 1 de julio de 2017
Check out
¿https://t.co/2dOwa4YKa9 pic.twitter.com/T4KEJn3rzH