2. etapa
Saganek irabazi du Tourreko bigarren esprinta, Gaviriaren erorikoaren ostean
Agentziak | Erredakzioa
Colbrelli eta Demare baino azkarragoa izan da eslovakiarra, eta liderraren mailloat jantzi du. Helmugatik 2 kilometrora eroriko handia izan da, Fernando Gaviria tartean zegoela.
Your browser doesn’t support HTML5 video
Peter Saganek (Bora-Hansgrohe) irabazi du Frantziako Tourraren 2. etapako esprinta. Mouilleron-Saint-Germain eta La Roche-sur-Yon arteko ibilbidea (182,5 kilometro) egin dute txirrindulariek. Fernando Gaviria (Quick-Step Floors) orain arteko liderra 2 kilometro falta zirenean erori da, eta Saganek maillot horia jantzi ahal izan du helmugan.
Munduko txapeldunak, bigarrena lehen etapan, abiaduran indartsua dela erakutsi du. Sonny Colbrelli (Bahrain-Merida) eta Arnaud Démare (Groupama-FDJ) baino azkarragoa izan da talde txikian.
Tropela hautsita heldu da bukaerara, 1,8 kilometro falta zirenean eroriko handia egon delako. Tartean Gaviria kolonbiarra egon da.
Sylvain Chavanel (Direct Energie) izan da eguneko ihesaldiko protagonista. Bakarrik egin du etapa gehiena.
2. ETAPAKO SAILKAPENA