Frantziako Tourra: Greipelek irabazi du etapa Cavendish menderatuta

Andre Greipel (Omega-Pharma) alemaniarrak irabazi du Frantziako Tourreko 10. etapa, Aurillac eta Carmaux artean burutu den 161 kilometroko etapa. Sailkapen nagusiko lidergoan jarraitzen du Thomas Voecklerrek (Europcar).

Alemaniarrak esprintean lortu zuen garaipena Mark Cavendish (HTC) eta Jose Joaquin Rojas (Movistar) menderatuta. Eguneko ihesaldia Remy Di Gregorio (Astana), Sebastien Minard (AG2R), Arthur Vichot (FDJ), Julien El Fares (Cofidis), Anthony Delaplace (Saur) eta Marco Marcato (Vacansoleil) txirrindulariek osatu zuten. Ihesaldiak ez zuen lau minutu baino gehiagoko abantailarik izan eta behera bota zuten esprinterren taldeek.

Azken kilometroetan txirrindulari batzuk mugite ziren tropelean. Philippe Gilbertek (Omega) erasoa jo zuen eta Tony Martinek, Alain Gallopinek, Dries Devenynsek eta Voecklerrek jarraitu zioten. Gilbertek bakarrik jarraitu zuen aurrera, baina tropelak harrapatu zuen helmugarako lau kilometro falta zirenean.

HTC taldeak hartu zuen tropezaren kontrola azken kilometroetan, baina Cavendishek ez zuen etapa garaipena lortu Andre Greipel azkarragoa izan baitzen azken metroetan.

Hamargarren etapako sailkapena:

.1. Andre Greipel (GER/Omega-Pharma) 3.31:21
.2. Mark Cavendish (GBR/HTC) d.b.
.3. José Joaquín Rojas (ESP/Movistar) d.b.
.4. Thor Hushovd (NOR/Garmin) d.b.
.5. Romain Feillu (FRA/Vacansoleil) d.b.
.6. Daniel Oss (ITA/Liquigas) d.b.
.7. Sebastien Hinault (FRA/AG2R) d.b.
.8. Borut Bozic (SLO/Vacansoleil) d.b.
.9. Garaint Thomas (GBR/Sky) d.b.
10. Samuel Dumoulin (FRA/Cofidis) d.b.

Sailkapen nagusia:

.1. Thomas Voeckler (FRA-Europcar) 38h35:11
.2. Luis León Sánchez (ESP-Rabobank) + 1:49
.3. Cadel Evans (AUS-BMC) + 2:26
.4. Frank Schleck (LUX-Leopard Trek) + 2:29
.5. Andy Schleck (LUX-Leopard Trek) + 2:37
.6. Tony Martin (GER-HTC) + 2:38
.7. Peter Velits (SVK-HTC) + 2:38
.8. Andreas Klöden (GER-RadioShack) + 2:43
.9. Philippe Gilbert (BEL-Omega Pharma) + 2:55
10. Jakob Fuglsang (DIN-Leopard Trek) + 3:08
11. Ivan Basso (ITA-Liquigas) + 3:36
16. Alberto Contador (ESP-Saxo Bank) + 4:07
20. Samuel Sánchez (ESP-Euskaltel) + 5:01