11. etapa
Frantziako Tourra: Cavendishek mendekua hartu du etapa irabazita
Erredakzioa
HTCko txirrindulariak ez du barkatu azken metroetan eta Greipel (bigarren) eta Farrar (hirugarren) gainditu ditu esprintean. Voecklerrek jarraitzen du sailkapen nagusiko lidergoan.
Mark Cavendish (HTC) britainiarrak irabazi du Frantziako Tourreko 11. etapa eta bere hirugarren garaipena du aurtengo Tourrean. Esprintean nagusitu da Baye Les Mines eta Lavaur arteko 168 kilometroko etapan. Sailkapen nagusian ez da aldaketarik egon eta Thomas Voecklerrek (Europcar) jarraitzen du lidergoan.
Cavendishek mendukua hartu du garaipen honekin astearteko etapan Greipelek garaipena lortu baitzuen bere aurretik. Gaurkoan alderantziz gertatu da; Andre Greipel izan da bigarren Cavendishen atzetik. Hirugarren postua Tyler Farrarrentzat izan da.
Etapa asteartekoaren antzerakoa izan da. Sei txirrindularik ihes egin dute tropeletik 13. kilometroan eta taldetxoa osatu dute. Ihesaldian, Euskalteleko Ruben Perez izan da beste bost txirrindularirekin: Lars Boom (Rabobank), Andriy Grivko (AST), Mickaël Delage (FDJ), Tristan Valentin (COF) eta Jimmy Engoulvent (Saur).
HTC taldeak hartu du erantzunkizuna tropelean eta helmugarako lau kilometro falta zirenean harrapatu dituzte ihesaldiko sei kideak. Taldearen lana Cavendishek borobildu du garaipena lortuta.
Hamaikagarren etapako sailkapena:
.1. Mark Cavendish (GBR/HTC) 3.46:07
.2. Andre Greipel (GER/Omega-Pharma) d.b.
.3. Tyler Farrar (USA/Garmin) d.b.
.4. Denis Galimzyanov (RUS/Katusha) d.b.
.5. Edvald Boasson Hagen (NOR/Sky) d.b.
.6. Romain Feillu (FRA/Vacansoleil) d.b.
.7. Jose Joaquin Rojas (ESP/Movistar) d.b.
.8. Sébastien Turgot (FRA/Europcar) d.b.
.9. Francisco Ventoso (ESP/Movistar) d.b.
10. William Bonnet (FRA/FDJ) d.b.
...
17. Pablo Urtasun (EUS/Euskatel) d.b.
47. Alberto Contador (ESP/Saxo Bank) d.b.
52. Samuel Sánchez (ESP/Euskatel) d.b.
Sailkapen orokorra:
.1. Thomas Voeckler (FRA-Europcar) 45.52:39
.2. Luis Leon Sanchez (ESP-Rabobank) + 1:49
.3. Cadel Evans (AUS-BMC) + 2:26
.4. Frank Schleck (LUX-Leopard Trek) + 2:29
.5. Andy Schleck (LUX-Leopard Trek) + 2:37
.6. Tony Martin (GER-HTC) + 2:38
.7. Peter Velits (SVK-HTC) + 2:38
.8. Andreas Klöden (GER-RadioShack) + 2:43
.9. Philippe Gilbert (BEL-Omega) + 2:55
10. Jakob Fuglsang (DIN-Leopard Trek) + 3:08
11. Ivan Basso (ITA-Liquigas) + 3:36
16. Alberto Contador (ESP-Saxo Bank) + 4:07
20. Samuel Sanchez (ESP-Euskaltel) + 5:01