Frantziako Tourra: Samuel Sanchezen garaipen bikaina Luz Ardidenen

Samuel Sanchez Euskaltel Euskadi taldeko txirrindulari asturiarrak irabazi du Frantziako Tourreko 12. etapa. Ez da edozein etapa izan, Tourmalet igo ostean Luz Ardidenen baitzegoen helmuga. Samuel Sanchez izan da lehena helmuga hori gurutzatzen eta Jelle Vendendert izan da bigarren. Hirugarren postuan iritsi da Frank Schleck. Thomas Voecklerrek lidergoari eutsi dio nahiz eta mendiko etapa hau oso gogorra izan den.

Samuelek Tourmaleteko jeitsieran erritmoa bizitu zuen aurkari batzuk gainetik kentzeko asmoarekin. Luz Ardidenerako igoeran Jelle Vendendertek bakarri eutsi ahal izan dio asturiarraren erritmoari eta azken metroetan nagusitu da Samuel Sanchez. Azken kilometroan Frank Schleck hurbildu zaie, baina harrapatu orduko Vendendertek erasoa jo du. Samuelek erantzun egin dio erasoari eta azken txanpan erraz gainditu du Vendendert.

Ivan Basso, Cadel Evans eta Andy Schleck 30 segundora iritsi dira eta azken hauen atzetik Alberto Contador heldu da. Contadorrek 13 segundo galdu dite Basso, Evans eta Andy Schleck txirrindulariekiko.

Euskaltelen lan bikaiana

Samuel Sanchezek etapa garaipena lortu du, baina bere taldeak zerikusi handia izan du garaipen horretan. Ruben Perez berriro ihesaldian sartu da atzo hainbat kilometro ihesean ibili ostean. Laugarren postuan gurutzatu du gainera Tourmalet gaina. Etapa guztian zehar daukaten guztia eman dute Euskalteleko txirrindulariek eta Samuel Sanchezek garaipen bikain honekin borobildu guztien lana. Txalotzekoak izan dira baita euskal zaleek Tourmaleten eta Luz Ardidenen gora euskal txirrindulariei eman dizkioten animoak.

Hamabigarren etapako sailkapena:

.1. Samuel Sanchez (ESP/Euskatel) 6.01:15
.2. Jelle Vanendert (HOL/Omega-Pharma) + 07
.3. Frank Schleck (LUX/Leopard) + 10
.4. Ivan Basso (ITA/Liquigas) + 30
.5. Cadel Evans (AUS/BMC) d.b.
.6. Andy Schleck (LUX/Leopard) d.b.
.7. Damiano Cunego (ITA/Lampre) + 35
.8. Alberto Contador (ESP/Saxo Bank) + 43
.9. Thomas Voeckler (FRA/Europcar) + 50
10. Pierre Rolland (FRA/Europcar) + 50

13. Rigoberto Uran (COL/Sky) + 1:25
20. Haimar Zubeldia (EUS/Radiosack) + 2:53

Sailkapen nagusia:

.1. Thomas Voeckler (FRA/Europcar) 51.54:44
.2. Frank Schleck (LUX/Leopard) + 1:49
.3. Cadel Evans (AUS/BMC) + 2:06
.4. Andy Schleck (LUX/Leopard) + 2:17
.5. Ivan Basso (ITA/Liquigas) + 3:16
.6. Damiano Cunego (ITA/Lampre) + 2:22
.7. Alberto Contador (ESP/Saxo Bank) + 4:00
.8. Samuel Sanchez (ESP/Euskatel) + 4:11
.9. Tom Danielson (USA/Garmin) + 4:35
10. Nicolas Roche (IRL/AG2R) + 4:57

15. Haimar Zubeldia (EUS/Radiosack) + 7:17