Lappartient: "Tourra ez jokatzea desastre hutsa izango litzateke"

David Lappartient Txirrindularitzaren Nazioarteko Elkarteko (UCI) presidentearen esanetan, "Tourra ez jokatzea desastre hutsa izango litzateke".

Frantziako Tourra egutegiko lasterketarik garrantzitsuena da, "talde batentzat Tourra jokatzea nahitaezkoa da, denboraldi osoko % 50 ekar dezake babesle eta laguntzaile kontuetan", azaldu du Lappartientek.

Atzerapena dela-eta, Tourra abuztuaren 29an hasi eta irailaren 20an amaituko da, koronabirusaren pandemiak uzten badu.

Hala ere, UCIko presidentea baikor azaldu da: "Frantziako Tourra jokatu egingo dela uste dut, baina ezin dut ehuneko ehunean ziurtatu, nahiz eta jokatzea nahi". Behin betiko erabakia ekainaren amaieran hartuko dutela esan du.