Uztailak 16, asteartea
2024ko Frantziako Tourraren 16. etaparen profila eta ibilbidea: Gruissan - Nimes (188,6 km)
EITB MEDIA
2024ko Tourra azken astean sartuko da 16. etaparekin batera. Azken atseden egunaren ostean jokatuko da. Ibilbidelaua izango du, eta esprinterrek azken aukera edukiko dute etapa garaipena bereganatzeko.
2024ko Frantziako Tourraren 16. etapako profila. Irudia: letour.fr.
Uztailaren 16an, asteartean, jokatuko da 2024ko Frantziako Tourreko 16. etapa. Gruissanen hasi eta Nimesen amaituko da; 188,6 kilometroko ibilbidea izango du. Etapa 13:05ean hasi eta 17:31k inguruan bukatuko da gutxi gorabehera.
16. etaparekin batera 2024ko Tourra azken astean sartuko da. Aurtengo azken atseden egunaren ostean jokatuko da, eta ibilbide lauak esprinterrei etapa garaipena bereganatzeko azken aukera emango die. Ibilbideko mendate bakarra 4. mailakoa da; Fambetou (1,2 m % 5ean), helmugatik 76 kilometrora dagoena.
Etapa zuzenean jarraitu ahalko da ETB1en eta eitb.eus-en, 15:00etatik aurrera.
FITXA TEKNIKOA
Etapa: 16. etapa (uztailak 16)
Ibilbidea: Gruissan – Nimes
Distantzia: 188,6 km
Goranzko desnibel metatua: 1.200 m
Hasiera-ordua: 13:05
Amaiera-ordua: 17:31 (47 km/h) | 17:41 (45 km/h) | 17:53 (43 km/h).
Mendiko saria: Col De Fambetou (4. mailakoa), 112,6. kilometroan.