Espainiako Vuelta
Nibali: 'Erlojupeko on batekin 3 minutu aterako nizkioke liderrari'
Erredakzioa
Saio txar bat egiten badu gutxienez minutu bat aterako diola Purito Rodriguezi ere adierazi du.
Liquigas taldeko Vincenzo Nibali italiarra bigarren sailkatua da Espainiako Vueltan eta liderra den Joaquim Rodriguezengandik 33 segundora dago. Nibaliren ustez "erlojupeko on batekin 3 minutu atera diezaizkioket liderrari". "Erlojupeko saio kaskarra edo txarra ateratzen bazait minutu bat aterako diot" gaineratu du italiarrak.
Ezequiel Mosquera Nibaliren atzetik da sailkapenean italiarrarengandik 20 segundora. Italiarrak uste du mesede egingo diola espainiarraren atzetik ateratzea eta uste du Frank Schleckek podiumean bukatu dezakeela Vuelta. Luxenburgekoa laugarrena da sailkapen nagusian.
Cotobellon galdutako denboraren inguan honakoa esan du Nibalik: "Egun txarra izan nuen, indarge eta nekatuta nengoen. Puritorekin 37 bakarrik galtzeaz poztu egiten naiz gehiago galdu bainezakeen".