2012ko Espainiako Vuelta
Cobo: 'Vueltako titulua errepikatzea da nire helburua'
Erredakzioa
Movistar taldeko txirrindulariak Frantziako Tourrean ehuneko ehuna emango duela adierazi du Vueltara indarrarekin heltzeko.
Juanjo Cobo 2012ko Espainiako Itzuliko aurkezpenean. Argazkia: EFE
2011ko Espainiako Vueltako txapeldunak, Juanjo Cobok, garaipena errepikatzeko asmoa duela argi utzi du 2012 edizioaren aurkezpenean. Helburua, Tourrean "ehuneko ehuna" ematea da gero Vuelta indarrarekin hartzeko.
"Frantziako Tourra ondo prestatu nahi dut, ehuneko ehunean. Denboraldi hasieran indarrak gorde nahi ditut Vueltara titulua errepikatzeko indarrarekin heltzeko" azaldu du Cobok.
Kantabriako txirrindulariak Movistar taldera heldu zenetik "konfiantzarekin" dagoela argi utzi du: "Talde handi batean nago eta konfiantza osoa eman didate".
"Alejandro Valverderekin batera taldeko liderra naiz eta errepideak esango du nor izango den taldeko burua lasterketa handietan. Nik Tourrean eta Vueltan ehuneko ehunean egotea espero dut" adierazi du Movistar taldeko txirrindulariak.