Samuel Sanchezen adierazpenak
'Purito maisuki ari da bere baliabideei probetxua ateratzen'
Erredakzioa
"Contadorrek askotan igo du Bola del Mundo eta oso ondo ezagutzen du, baina ez dut uste errenta nahikoa lortuko duenik", adierazi du Euskaltel-Euskadiko txirrindulariak.
Samuel Sanchezen artxiboko irudia. Argazkia: EFE
Joaquim "Purito" Rodriguez da jaun eta jabe Vueltako sailkapen nagusia. Alberto Contador da txirrindulari katalanaren aurkari nagusia, baina une honetan 28 segundo ateratzen dizkio.
Samuel Sanchezen ustez, Purito "maisuki ari da bere baliabideei probetxua ateratzen eta Alberto Contadorri adorea kentzen".
"Purito oso indartsu dago eta azken kilometroetan errenta garrantzitsuak lortzen ari da. Bikain ari da eta minutu erdi berreskuratzea oso zaila da", adierazi du.
"Contadorrek askotan igo du Bola del Mundo eta oso ondo ezagutzen du, baina ez dut uste errenta nahikoa lortuko duenik", adierazi du. Euskaltel-Euskadikoak.