Gaurko etaparen hainbat argazki:

Bideoa: Etapako azken kilometroak, Philipsenen garaipenarekin.

Jasper Philipsenek irabazi du etapa, esprintean, Baionan!

Bost kilometro aurtengo Tourraren lehen esprint handirako!

Aurreikuspena zen esprinta izan zitekeela... eta hala izango dela ematen du!

Amaitu egin da Pichonen ihesaldia. 32 kilometro geratzen direla, tropela batuta doa. Baliteke esprinta egotea Baionan!

Laurent Pichon (Arkea) etapako lehen kilometrotik dabil lasterketa buruan; Neilson Powless (EF Education) harekin izan da, baina Donostiatik bakarka dabil aurreneko postuan. 53 kilometro geratzen dira orain, eta aldea da 01:09koa.

Amaitu egin dira eguneko mendate puntuagarriak, eta, hori gertatu bezain laster, Neilson Powlessek zortea opa dio Laurent Pichoni, eta atzean geratu da. Pichon bakarka dabil orain, lasterketa buruan.

Laurent Pichon (Arkea) eta Neilson Powless (EF Education) lasterketa buruan dabiltza, eta, orain arte, etapako sari guztiak eskuratu dituzte; estatubatuarra, mendiko sailkepeneko liderra bera, aurrenekoa izan da Trabakuan, Merelludin eta Itziarren; bretoiak, aldiz, Debako esprint berezia irabazi du.

Frantziako Tourrak aho zabalik utzi ditu zornotzarrak!

Laurent Pichon, Neilson Powless eta Victor Lafay, aurreneko hirurak Debako esprint berezian.

Jendetza batu da etaparen amaieran, eta egun osoko festa antolatu dute Baionan. Bideoa:

Santiagoko zubia zeharkatuz sartuko da Tourra Iparraldean, 16:00ak aldera:

Tourraren hirugarren etaparen hasierak ere zaletuak poztu eta asetu ditu Zornotzan:

Neilson Powless aurreneko postuan izan da Trabakuan eta Merelludin; ikusi nola ospatu duen:

Gorka Izagirre, Alex Aranburu, Mikel Landa eta Bingen Fernandez, Zornotzako irteeran:

EF Education taldeko Neilson Powless, atzo, etapa osoan ibili zen ihes eginda, Jaizkibelen harrapatu zuten arte; gaur, berriro ere, erasoa jo du... lasterketako 300. metroan! Arkeako Laurent Pichonekin batera dabil ihesaldian.

Txirrindulariak Zornotzan dabiltza; benetako irteera 13:15ean emango dute.

Giroa, Euskal Herriko "Grand Depart" honetan, ikusgarria ari da izaten, ahaztezina. Hona hemen hainbat argazki:

Atzoko etapa, bigarrena, Gasteizen hasi zen, eta amaiera ikusgarria izan zuen Donostian; azken kilometroan, Victor Lafayk (Cofidis) eraso bikaina egin zuen, eta txirrindulari indartsuenak ustekabean hartu zituen. Hemen da bideoa:

Gogoratu! Oraindik garaiz zaude bigarren etaparekin lotuta abian dugun zozketan parte hartzeko! Nahi al duzu Etxeondoren maillot eta kulot bat irabazi? 12:00etara arte egin ahal duzu... Egin klik hemen.

Kontuz! Gaurko etapak aurrekoek baino eragin handiagoa izango du errepideetan. Albiste honetan dago jasota informazioa.

Eta esteka honetan duzu gaurko etaparen mapa; kontsultatu zein ordutan izango den zu zauden lekuan!

Kontsultatu hemen etapako profila, ibilbide osoa.

Egun on! Ongi etorri 2023ko Frantziako Tourraren hirugarren etapara! Txirrindulariak Zornotzan daude; lasterketa bertan hasiko da, 13:15ean, eta, 193,5 kilometro eginda, Baionan amaitu, 17:27tik 17:51ra bitartean.

Hemen, 2023ko Frantziako Tourraren hirugarren etaparen berri emango dizugu; astelehenean jokatuko dute, Zornotzan hasiko da, eta Baionan amaitu.