Ikasketak
Arte Dramatiko eta Dantza ikasketak eskainiko ditu Eszenikak
Erredakzioa
Bilbon egingo dute egoitza eta 2011ko lehen hiruhilabetean hasiko dira lanak. 4.000 metro karratukoa izango da, EITBren egoitzako lehen solairuan.
Euskadiko Arte Eszenikoetako zentroa izango denak Eszenika izena hartuko du. Bilbon egingo dute eta lanak 2011ko lehen hiruhilabetean hasiko dira. Arte Dramatikoko eta Dantzako bost Unibertsitate gradu eskainiko ditu eta baita Eszenoteknia teknikarien Lanbide Heziketako ziklo bat.
Horrela jakinarazi du Isabel Celaa Hezkuntza sailburuak hedabideen eta euskal profesionalen aurrean egindako aurkezpenean. Eszenika izena hartuko duela azaldu du eta Unibertsitate ikasketa homologatuen ezaugarriak jakinarazi ditu.
Lau urteko hiru gradu eskainiko dira. Bakoitzak 240 unibertsitate kreditu izango ditu, Interpretazio, Eszenatokietako Zuzendaritza eta Eszenografia berezitasunetakoak.
Dantzari dagokionean beste bi gradu eskainiko dira:&' || 'nbsp;Interpretazioaren eta dantzaren pedagogia eta koreografia. Unibertsitate maila izango dute, lau urteko luzapenarekin
4.000 metro karratuko eraikin bat eskaini du Hezkuntza sailak Bilboko Bami eraikinean, Capuchinos kalean.