Erakusketa
Mitologiak artearen historian izan dituen irudikapenak, San Telmo Museoan
Agentziak | Erredakzioa
“Artea eta mitoa. Pradoko jainkoak” erakusketan Zurbaranen eta Jose de Riberaren artelanak ikus daitezke, besteak beste, eta urriaren 28ra arte egongo da ikusgai.
"Artea eta mitoa. Pradoko jainkoak" erakusketa urrira arte ikusi ahalko da
Arteak behin eta berriz islatu du, menderik mende, mitologia klasikoa, eta margolari eta eskultoreek esparru horretan egindako lanaren lagin bat jarriko du ikusgai San Telmo Museoak bihartik, uztailak 7, aurrera, Madrilgo Pradoko Museoak bere esku utzi dituen piezen bidez.
Rubens, Zurbaran, Jose de Ribera, Michel-Ange Houasse, Francesco Albani eta beste hainbat artistarenak dira Donostiako museoan paratu dituzten 31 pintura, 17 eskultura eta 2 dominak, eta urriaren 28ra arte ikusi ahalko dira “Artea eta mitoa. Pradoko jainkoak” erakusketan.
Greziako eta Erromako mitologian gizaki itxura hartzen zuten jainko eta heroien istorioen gainean artistek egindako interpretazioen “begirada zabala” eskaintzen du erakusketak.